Krimi dhe emigrimi ilegal, Çuçi: Shqipëria po punon me Europën

Kriminaliteti, trafiku dhe emigrimi i paligjshëm janë sfidat me të cilat po përballet Europa sot, për shkak të konflikteve në lindje dhe në Afrikë. Ministrat e brendshëm europianë thonë se do të angazhohen për t’i minimizuar këto fenomene.

Ministrat e brendshëm të Bashkimit Europian dhe Ballkanit janë bërë bashkë në Tiranë për të folur për pasiguritë dhe sfidat që po kalon Europa sot.

Ministri Blendi Çuçi tha se mundësitë për rritjen e kriminalitetit dhe trafikimit janë rritur, nga konflikti Rusi-Ukrainë.

Cuci foli edhe emigrimin e paligjshëm, i cili është rritur në Bashkimin Europian me flukse që lëvizin nga Afrika dhe Lindja mesme.

“Shqipëria ka dhënë e po jep një kontribut të qenësishëm në përballimin e flukseve migratore që vijnë tranzit në vendin tonënga Afrika dhe Lindja e Mesme, me destinacion final Bashkimin Europian. Në këtë pjesë dua tëtheksoj gjithashtu faktin, se bashkëpunimi ynë me FRONTEX është një histori suksesi ndonëse nuk jemi ende vend anëtar i BE”, tha Çuçi.

Ministrat e Brendshëm u zotuan se do të jetën bashkë dhe me mekanizmat që do të ndërmarrin, do të përballojnë sfidat e kohës.

LEXONI GJITHASHTU

• Britania e Madhe zbut tonet për emigrantët: Vlerësojmë bashkëpunimin me Shqipërinë
• Rama-zyrtares britanike: Shqiptarët s’janë kriminelë, drejtojnë biznese në Britani
• ‘Mos na akuzoni për dështimet tuaja’, Rama i përgjigjet Britanisë për emigrantët