30 vjet pa ujë e rrugë, banorët e fshatit Kështjellas në Elbasan në kushte mesjetare

Mungesa e ujit të pijshëm dhe mungesa e infrastrukturës rrugore janë dy problematika qe shqetësojnë prej 30 vjetësh banorët e fshatit Kështjellas pranë bashkisë së Elbasanit. Gjatë këtyre viteve u është premtuar në mënyrë sistematike në çdo fushate elektorale zgjidha e tyre por deri sot nuk është bërë asgjë për to.

Gjatësia e rrugës nuk i kalon 2 kilometra. Gjendja e saj flet vetë. Sa i përket furnizimit me ujë, banorët e fshatit kanë gjetur mënyrë alternativë duke hapur puse.

“Problemi me i madh i joni është vetëm rruga e uji. Po deshët të na ndihmoni, na ndihmoni”

“Kemi shpuar puse aty, s’kanë as ujë,  janë thatësirë e madhe. Me vështirësi të mëdha.

Jemi ankuar asnjë lloj përgjigje, gjithmonë gënjeshtra, mashtrime.

“Kemi 30 vjet që kërkojmë rrugë, ujë. Kjo është fshatarësia këtu që vuan. E përditshme.

“Siç vijnë premtojnë, asgjë nuk bëjnë.

“Rrugë ujë. Nuk po kërkojmë as të na punësojnë as asgjë. Po të na sjellin këto dy gjëra të jemi në rregull”- shprehen qytetarët.

Administratori i njësisë Gjergjan tregon se projektet për zgjidhjen e këtyre problemeve ekzistojnë, por mungojnë fondet.

“Kemi bere projektin e rrugës e kemi gati dhe ja kemi çuar qeverisë, për të na ardhur qeveria ne ndihme se nuk e realizon dot bashkia. Dhe për ujësjellësin e kemi projektin dhe do realizohet shume shpejt!”- tha Resul Hoxha, administrator i njësisë administrative Gjergjan.

Por sa i përket kohës së kur mund të realizohen këto projekte, përgjigja e tij është kjo

“Po brenda këtij viti jo. Për këtë vit nuk bëhet fjalë po për vitin e ardhshëm”- shtoi ai.

LEXONI GJITHASHTU: 

• ‘E kemi ditur gjithmonë që ishte trupi i tij’, flet nëna e ‘Renit të Elbasanit’
• Zhvarroset 1 kufomë, dyshohet se i përket Renit të Elbasanit, zhdukur 8 vjet më parë