Deputeti i Vetëvendosjes “skanon” tensionet: Serbia po mban peng BE-në dhe SHBA-në

Deputeti i Vetëvendosjes, Haki Abazi “skanoi” në studion e “Now me Erla Mëhillin” tensionet në veri të Kosovës dhe shpjegoi se si Serbia po mban peng BE-në dhe SHBA-në.

400 policë të komunitetit serb që u larguan dy ditë më parë, u zëvendësuan me policë të komunitetit shqiptar.

Sipas tij ata merrnin rrogën dhe në momentin e parë që u urdhëruan nga Beogradi bënë atë që i leverdiste Serbisë.

Ish-zv. kryeministri tha se ndonjëherë marrëveshjet janë të mira, por ndodh dhe që të mos prodhojnë paqe të qëndrueshme.

“Forma tjetër që mund ta shikojmë si kemi mbërritur këtu është sepse konflikti Ukrainë-Rusi ka bërë të qartë marrëdhënien nën dysheme që Serbia ka mbajtur strategjike me Rusinë dhe tashmë s’mund të jetë neutrale midis gjenocidit dhe paqes,” – u shpreh Abazi.

Në këtë mënyrë Serbia ka zhvendosur fokusin dhe presionin e BE-së dhe SHBA-së duke i mbajtur peng, sepse nuk po bashkohet me politikat e tyre të jashtme sa i takon sanksioneve ruse, ndërkohë që po mban peng dhe Kosovën me procesin e dialogut.

LEXONI GJITHASHTU:

• Lindita Nikolla për situatën në Kosovë: Dëgjoni ndërkombëtarët
• Abazoviç: Për mua po përgatisin të njëjtin skenar si për Gjinçiç