Meta: Të hiqet parashikimi për 10-fishimin e gjobave

Kryetari i Partisë së Lirisë, Ilir Meta ishte në një takim me Komitetin Kombëtar Drejtues të Rinisë.

Meta kërkoi që të hiqet parashikimi i vendosjes së gjobave 10-fish, pasi është një masë represive ndaj biznesit të ndershëm, si dhe të anulohet rritja e akcizës për prodhuesit vendorë të industrisë së birrës dhe të verës.

Ai u shpreh se situata ekonomike në vend është drejt përkeqësimi dhe se buxheti i ri dhe paketa fiskale do të ndikojë më shumë.

“Situata ekonomike në vend drejt përkeqësimit dhe kësaj do i shërbejë dhe buxheti i ri dhe paketa fiskale që ka sjellë qeveria. Është e qartë se rritja ekonomike është ngadalësuar, PBB është në rënie. Treguesit e shitjeve janë në rënie, treguesit e konsumit janë në rënie, çmimet e konsumit janë në rritje. Në këtë situatë të gjitha përpjekjet e qeverisë për të reduktuar deficitin, janë në dëm të të gjithë qytetarëve, familjeve, bizneseve, sidomos të prodhimit vendas dhe janë vetëm në interes të klientëve të qeverisë, duke rënduar produktivitetin e borxhit dhe duke goditur prodhimin vendas,” – tha kreu i PL-së.

Meta shtoi gjithashtu se përfaqësimi i të rinjve në këtë parti do të ndiqet nga zgjedhja e tyre në këshillin bashkiak të Tiranës dhe këshillat bashkiakë në të gjithë vendin.

LEXONI GJITHASHTU:

• Protestë paqësore apo e dhunshme më 12 nëntor? Përgjigjet Ilir Meta      
• Meta: Skandali me Portin e Durrësit vazhdon të thellohet
• Meta: Skandali me Portin e Durrësit vazhdon të thellohet