Protestë paqësore apo e dhunshme më 12 nëntor? Përgjigjet Ilir Meta

Kryetari i Partisë së Lirisë, Ilir Meta deklaroi se në protestën e 12 nëntorit do të ketë qytetari dhe jo dhunë nga ana e protestuesve.

Në një deklaratë për mediat, pyetur nga Euronews Albania, Meta u shpreh se qytetarët do dalin në protestë kundër dhunës së qeverisë së drejtuar nga kryeministri Edi Rama.

“Unë jam i bindur se protesta e 12 nëntorit do të jetë një shkëlqim i qytetarisë së Tiranës dhe gjithë Shqipërisë. Opozita është e vendosur në këtë drejtim dhe absolutisht që kjo është një qeveri, për të cilën kënga e numërimit mbrapsht ka filluar prej kohësh.

Dhuna as ka qenë dhe as nuk është aleat i opozitës, përkundrazi, qytetarët dalin kundër dhunës së përditshme sistematike që ushtrohet nga qeveria bandë e Edi Ramës, ndaj sipërmarrësve në vend, do dalin kundër 10-fishimit të gjobave që ka kërcënuar me paketën e re fiskale. Kjo është dhuna që i largon shqiptarët nga vendi i tyre”, theksoi ai.

LEXONI GJITHASHTU

• Meta: Skandali me Portin e Durrësit vazhdon të thellohet
• “U dëmtua djali im”, Grida Duma: Çfarë nuk do i fal politikës së llumit
• Grida Duma e konfirmon: Lë mandatin e deputetes