Grida Duma e konfirmon: Lë mandatin e deputetes

Grida Duma e ka konfirmuar se ka lënë mandatin e deputetes në Partinë Demokratike.

Në një dalje për mediat, Duma theksoi se një vendim të tillë e mori pas një reflektimi të gjatë duke shtuar se ka marrë vendimin e duhur.

“Pak çaste më parë kam dorëzuar formalisht dhe zyrtarisht shkresën për lënien e mandatit të deputetes. Pas një reflektimi të gjatë, për të bërë të duhur për partinë time dhe votuesit që përfaqësoj, ky është vendimi i duhur. Mendoj se në politikë fatet individuale vlejnë të konsiderohen dhe rimendohen vetëm kur shkojnë në një kahje me fatet e njerëzve që përfaqësojmë. Kurrë e kundërta, megjithëse është bërë. Fati i njerëzve që përfaqësoj është misioni që zgjodha. Më e thjeshta do të ishte që të kisha qëndruar”, tha Duma.

Mandati i Grida Dumës i kalon Ori Nebiajt, pasi në zgjedhjet e 2021 ka siguruar 5599 vota preferenciale. Ende nuk dihet nëse Nebiaj do ta pranojë mandatin, pasi ajo gjithashtu është e angazhuar në botën e televizionit.

Një ditë më parë mandiatin e deputetit e la Alfred Rusha. Ai u largua për shkak të angazhimeve personale, ndërsa vendin e tij do e marrë Petrit Doda.

LEXONI GJITHASHTU: 

• “U dëmtua djali im”, Grida Duma: Çfarë nuk do i fal politikës së llumit
• Deputetja e Partisë Demokratike, Grida Duma pritet të lërë mandatin