Vakanca në Kushtetuese, KED do të mblidhet më 16 shtator për kandidatët e gjykatës

Pas apeleve të forta, si nga politika e brendshme ashtu edhe nga faktor ndërkombëtar, Këshilli i Emërimeve në Drejtësi do të mblidhet në datë 16 shtator për të shqyrtuar katër kandidatura për një vend vakant në Gjykatën Kushtetuese të shpallur nga ana e Presidentit të Republikës.

Krahas kësaj, një çështje me rëndësi që do të shqyrtohet është edhe diskutimi për vlerësimin e njoftimit të Presidenti i Republikës dhe Kuvendi i Shqipërisë, për rishpalljen e thirrjes për paraqitjen e kandidaturave për plotësimin e vendeve vakante në Gjykatën Kushtetuese, gjë e cila do të rihapte garën nga e parë për dy karrige bosh në Gjykatën Kushtetuese.

Mbledhja e KED do të mbyllet me diskutimin e njoftimin e Ardian Dvoranit, i cili ka kërkuar që të jetë sërish pjesë e Këshillit të Emërimeve në Drejtësi nën argumentin se nuk e ka humbur statusin e magjistratit.