Dorëheqja e gjyqtarëve dhe prokurorëve serb, Haxhiu: Ata që ikën, s’mund të kthehen

Gjykatat dhe prokuroritë në veri të Kosovës po funksionojnë normalisht edhe pas vendimit të dorëheqjes së gjyqtarëve dhe prokurorëve serb.

Lajmin e bëri të ditur ministrja e Drejtësisë, Albulena Haxhiu.

Situata e krijuar po analizohet nga institucionet përkatëse. Haxhiu shpjegoi edhe mundësinë e rikthimit të të dorëhequrëve në sistemin e drejtësisë.

“Personat të cilët dorëhiqen nuk mund të kthehen sërish në sistem. Pasi është goditje për sistemin e drejtësisë, për Kosovën që një prokuror apo gjyqtar të dorëhiqet për shkak të dirigjimeve që i bëhen nga Vuçiç”, është shprehur ministrja Haxhiu.

Këto deklarata, ministrja Haxhiu i bëri pas mbledhjës së qeverisë, në fillim të cilës, kryeministri, Albin Kurti pati një thirrje e falenderim për qytetarët serb.

Nderkohë, të mërkurën KQZ ka njoftuar se ka pranuar dorëheqjen e krerëve të komisioneve komunale të zgjedhjeve në komunat veriore të Kosovës.

LEXONI GJITHASHTU

• Kurti paralajmëron takim me Vuçiç në Paris: Kemi 2 propozime në tryezë
• Kurti thirrje serbëve: Mos i braktisni institucionet e Kosovës
• Abdixhiku paralajmëron Kurtin: Kosova nuk mund të ecë pa përkrahjen e SHBA-ve