E vranë, i morën paratë dhe e groposën, detaje nga vrasja e shqiptarit në Greqi

Policia greke ka zbardhur vrasjen e një 31-vjeçari shqiptar, i cili u gjet i pajetë pasditen e djeshme në plazhin e Kalamatës.

Tre persona janë identifikuar si autorë të ngjarjes, ndër to, një i huaj 30-vjeçar, një shtetas 24-vjeçar dhe një shtetas 30-vjeçar, ndaj të cilëve u ngrit akuza për vrasje dhe grabitje, shkruajnë mediat greke.

Sipas hetimeve, në orët e para të mëngjesit të së hënës, autorët, së bashku me 31-vjeçarin kanë hipur në një automjet, kanë shkuar në një plazh të shkretë, ku e kanë rrahur për vdekje, i kanë marrë paratë dhe më pas e kanë varrosur.

Pas një operacioni të organizuar policor, 33-vjeçari dhe 30-vjeçarja u lokalizuan mbrëmjen e së martës në një lokal të komunës së Oichalias. Një pjesë e parave të grabitura iu gjetën dhe iu konfiskuan.

Hetimet policore në lidhje me ngjarjen e rëndë ende po vijojnë nga Nëndrejtoria e Sigurimit të Kalamatës.

LEXONI GJITHASHTU

• Shkoi për punë sezonale në Greqi, gjendet trupi i 31-vjeçarit shqiptar
• Njihej si ‘dragoi i Pireut’, ky është shqiptari që tentoi të përdhunojë 20-vjeçaren
• Në kërkim për përdhunim, u dorëzohet autoriteteve greke 45-vjeçari