“Mungesë personalitetesh”, Rama: Gjuha e njësuar shqipe është e rrezikuar

Të enjten, kryeministri Edi Rama u shpreh në konferencën për 50–vjetorin e Kongresit të drejtshkrimit të gjuhës shqipe se në fakt gjuha e njësuar është e rrezikuar sot për shkak të mungesës së personaliteteve, që sipas tij nuk kanë të krahasuar me ato të 5 dekadave më parë.

“Historia na mëson se drejtshkrimi e gjuha e shkruar janë proces konsolidimi i frymës i germës së një kombi, i qenies së një kombi. Misionarët e Kongresit të Manastirit dhanë mesazhin se kombi është një, përmes një alfabeti të përbashkët. Drejtshkrimi dhe gjuha e njësuar bëri të njëjtën gjë në vazhdimësi. Kemi pasur fatin që ndonëse pa një shtet tonin të kemi mendjen e ndritur të njerëzve të dalluar të këtij kombi. Burime njerëzore dhe karaktere të hatashme të këtij vendi, personalitete shumë më të mëdha se gjeografia e Shqipërisë. Kush janë të ngjashmit e Eqerem Ccabejt, Mahir Domit, Aleks Budës e kështu me radhë, apo profesor Emilit?”, tha Rama.

LEXONI GJITHASHTU:

• Fyerjet e Ramës ndaj opozitës, Tabaku: Sjellje e tij sa herë ka një aferë korruptive
• Përmend flamurin e NATO-s, Rama ironi në 50 vjetorin e Kongresit të Drejtshkrimit
• 15 të arrestuar në Tiranë, shpërndanin kokainë dhe heroinë afër shkollave