15 të arrestuar në Tiranë, shpërndanin kokainë dhe heroinë afër shkollave

15 persona janë arrestuar gjatë operacionit antidrogë “Tentakulat” të zhvilluar në Tiranë.

Pas një hetimi disa mujor, prokuroria dha urdhër ndalimi për 15 persona dhe në kërkim janë 2 të tjerë, të cilat shpërndanin heroinë, kokainë dhe kanabis në zonat afër shkollave në Tiranë dhe në lokalet e natës.

Në prangat e policisë kanë rënë: E. H. 24 vjeç, E. H. 23 vjeç, R. M., 41 vjeç, A. M., 25 vjeç, L. H., 31 vjeç, S. M., 25 vjeç, E. K., 30 vjeç, H. K., 25 vjeç, I. E., 26 vjeç, R. K., 61 vjeç, D. Z., 22 vjeç, K. P., 25 vjeç, A. S., 45 vjeç, K. B., 23 vjeçe dhe B. K., 37 vjeç. Ndërkohë nën hetim janë 14 persona të tjerë.

Sekuestrimet:

• 745 gramë lëndë e dyshuar narkotike kokainë, e ndarë në doza të gatshme për shitje;
• 110 gramë lëndë e dyshuar narkotike heroinë, e ndarë në doza;
• 1.3 kg lëndë e dyshuar narkotike kanabis, e ndarë në doza;
• shuma parash, në euro, dollarë dhe lekë;
• 5 peshore elektronike;
• 25 aparate celulare dhe
• 6 automjete, 1 motomjet dhe 1 biçikletë, që përdoreshin për shpërndarjen e lëndëve narkotike.

Drejtoria Vendore e Policisë Tiranë, përgjatë këtij viti, ka finalizuar 38 operacione policore në fushën e narkotikëve, gjate të cilëve janë sekuestruar 6.5 kg lëndë narkotike kokainë, 73 kg cannabis sativa, 52 kg cannabis sativa në formë çokollate.

LEXONI GJITHASHTU:

• Tabaku për Portin e Durrësit: Rama i jep 812 mijë m2 tokë shtetërore investitorit
• Irani ndërton raketën balistike hipersonike, depërton në çdo sistem mbrojtjeje
• Koreja i Veriut i përgjigjet SHBA-ve: S’kemi marrëveshje armësh me Rusinë