Irani ndërton raketën balistike hipersonike, depërton në çdo sistem mbrojtjeje

Komandanti i hapësirës ajrore të Gardës Revolucionare Iraniane, Amir Ali Hajizadeh deklaroi se në vend është ndërtuar një raketë balistike hipersonike.

Raketa, është e aftë për të depërtuar në të gjitha sistemet e mbrojtjes, shkruan Reuters.

“Kjo raketë ka një shpejtësi të lartë dhe mund të manovrojë brenda dhe jashtë atmosferës. Ajo do të synojë sistemet e avancuara anti-raketë të armikut”, u shpreh ai.

Njoftimi vjen disa ditë pasi Irani pranoi se ka dërguar dronë në Rusi, por e mohoi se këtë e ka bërë që kur Rusia pushtoi Ukrainën.

Ndryshe nga raketat balistike, raketat hipersonike fluturojnë në një trajektore të ulët në atmosferë, duke arritur potencialisht objektivat më shpejt.

Testimi i raketës hipersonike nga Koreja e Veriut vitin e kaluar ngjalli shqetësime rreth një gare për të blerë teknologjinë.

LEXONI GJITHASHTU

• Koreja e Veriut lëshon raketë balistike, Jugu: Ishte e epokës sovjetike

• Koreja i Veriut i përgjigjet SHBA-ve: S’kemi marrëveshje armësh me Rusinë
• Zgjerohet harta e sulmeve në Ukrainë, rusët bombardojnë Kievin