Koreja e Veriut lëshon raketë balistike, Jugu: Ishte e epokës sovjetike

Koreja e Veriut lëshoi një raketë balistike në det të mërkurën, pasi Koreja e Jugut tha se kishte identifikuar mbetje nga një lëshim i mëparshëm si pjesë e një rakete tokë-ajër të epokës sovjetike SA-5.

Roja Bregdetare e Japonisë deklaroi se raketa balistike dukej se kishte rënë në det disa minuta pasi u raportua për lëshimin, shkruan Reuters.

Ministri i Mbrojtjes i Japonisë, Yasukazu Hamada deklaroi se raketa fluturoi në një lartësi deri në 50 km dhe mbuloi një rreze prej 250 km.

Ai nënvizoi se qeveria bëri një protestë të fortë me Korenë e Veriut përmes kanaleve diplomatike dhe se Tokio e kishte dënuar ashpër lëshimin e raketës.

Koreja e Veriut ka justifikuar testet e raketave duke përmendur “kërcënimin ushtarak” të SHBA.

LEXONI GJITHASHTU

• Koreja i Veriut i përgjigjet SHBA-ve: S’kemi marrëveshje armësh me Rusinë
• Zgjerohet harta e sulmeve në Ukrainë, rusët bombardojnë Kievin
• SHBA inkurajon Ukrainën që të jetë e hapur për bisedime me Rusinë