Kusari-Lila iu drejtohet serbëve: Kosova është vendi juaj

Shefja e Grupit Parlamentar të Lëvizjes Vetëvendosje, Mimoza Kusari-Lila iu drejtua sot qytetarëve serbë nga Kuvendi i Kosovës.

Gjatë fjalës së saj, Kusari-Lila u shpreh se Kuvendi dhe shteti i Kosovës është vendi i tyre, që u garanton të drejta pa parasysh përkatësinë etnike.

Sipas saj, deputetët dhe zyrtarët të cilët u larguan nga institucionet, nuk i kanë përfaqësuar denjësisht serbët e Kosovës.

“Në këto kohë të vështira për ne, duhet ta dini që ky Kuvend dhe ky shtet është vendi juaj i cili ju garanton të drejta për të gjithë, pa marrë parasysh përkatësinë etnike. Këto ditë përfaqësuesit tuaj e kanë lëshuar Kuvendin për të cilët, në këtëKuvend kurrë nuk janë përkushtuar për të drejtat tuaja, për nevojat tuaja, të kërkojnë kushte më të mira për ju. Ata kanë qenë për të drejtat e Vuçiçit dhe për strukturat të cilat janë aktive në pjesën veriore të qytetit.

Sot jeni nën presion dhe sistematizim të politikës së Vuçiçit, e kuptojmë dhe respektojmë ndërlidhjen me vendin amë, por ky raport duhet t’u japë siguri dhe jo të kundërtën. Ju lutem, ngrihuni dhe mos i mbani këto tensione sepse të gjithë të akuzuarit do të ballafaqohen me drejtësinë dhe çdo institucion do t’i ketë përfaqësuesit e vet të cilat duhet të përkrahen. Vetëm me përfaqësim direkt do ta ndërtojmë shtetin tonë dhe jetën e përbashkët në Kosovë”, theksoi ajo.

LEXONI GJITHASHTU

• Ramush Haradinaj tregon 4 zgjidhjet për normalizimin e situatës në veri të Kosovës

• Kurti paralajmëron takim me Vuçiç në Paris: Kemi 2 propozime në tryezë
• Kurti thirrje serbëve: Mos i braktisni institucionet e Kosovës