Belgjika thërret Lukakun, sulmuesi vetëm 5 ndeshje në këtë sezon

Romelu Lukaku është thirrur nga trajneri i kombëtares së Belgjikës në botërorin e Katarit. Sulmuesi 29-vjeçar ka qenë i dëmtuar gjatë gjithë këtij sezoni dhe është aktivizuar në vetëm 5 ndeshje.

Ky fakt nuk e ka stepur aspak trajnerin Martinez, ndaj të cilit tashmë po vërshojnë një lum kritikash. Disa prej emrave të cilët janë aktivizuar rregullisht në kampionatet kryesore të Evropës janë lënë jashtë.

Në portë do të jetë i përhershmi Kurtua, i cili po kalon një superformë me Realin e Madridit. Në mbrojtje janë thirrur veteranët si Aldervajld dhe Vertongen, teksa nuk mungojnë as Karrasko, De Brojn, Kastajn apo vëllezërit Hazard. Sulmuesi i Milanit Origi dhe mesfushori i Arsenal Lokonga nuk kanë marrë ftesë.

7 lojtarë nga Premier Liga angleze janë thirrur për kompeticionin kryesor të shteteve, ndërkohë dhe 8 të tjerë të cilët kanë luajtur më parë në nivelin më të lartë të futbollit në tokën ishullore. Belgjika ka një grup të lehtë në Botërorin e Katarit, ku përballja e parë është me Kanadanë e më pas me Marokun.

LEXONI GJITHASHTU:

• Gjermania rikthen heroin e Botërorit, Flick shpall listën për “Katar 2022”
• Lukaku, gati të ‘shpërthejë’: Tek Inter do jap maksimumin