Tregu i librit në krizë, Inflacioni i lartë rrit çmimet, librashitësit pesimistë

Tregu i librit në Hungari ndodhet në situatë të vështirë. Si pasojë e rritjes së inflacionit dhe çmimeve të energjisë, librat po bëhen gjithnjë e më të shtrenjtë.

“Nuk jam aspak optimiste. Çdo gjë është shumë e shtrenjtë. Librat janë artikuj kulture. Njësoj si teatri apo kinemaja, ata argëtojnë njerëzit. Por një familje në vështirësi do t’i shpenzojë paratë për të tjera gjëra”, thotë Eva Redei, pronare librarie në Hungari.

Pronarët shpresojnë se sezoni i Krishtlindjes nuk do të jetë aq i keq. Disa prej tyre kanë nisur shitjet me rastin e festës më herët se zakonisht.

“Situata është pasojë e pasigurive ekonomike. Njerëzit janë të vetëdijshëm se sa mund të shpenzojnë për gjëra si librat, apo lodrat. Por pasiguria më e madhe është se cilat do të jenë shifrat pas një muaji apo një muaji e gjysmë”, shprehet Andras Urogdi, menaxher librarie.

Fundi i vitit është tradicionalisht periudha e tregut të librit. Sidoqoftë, ai pasohet me një rënie, e cila për shkak të krizës mund të jetë më e madhe se zakonisht.

LEXONI GJITHASHTU:

• Eurozona në ‘pikiatë’, 19 vendet anëtare në recesion
• Eurozona: Inflacioni në tetor shënoi një rekord të ri