Zelensky: Ushtria ruse kreu qindra krime lufte në Kherson, do gjejmë çdo vrasës

Presidenti i Ukrainës, Volodymyr Zelensky, tha se hetuesit zbuluan qindra krime lufte në rajonin juglindor të Khersonit, i cili u çlirua nga forcat ruse javën e kaluar.

“Hetuesit kanë dokumentuar tashmë më shumë se 400 krime lufte nga Rusia. Janë gjetur trupa civilësh dhe ushtarësh të vrarë”, tha Zelensky në një video-mesazh.

Zelensky tha se autoritetet e Ukrainës do të gjejnë dhe do të nxjerrin para drejtësisë “çdo vrasës”.

“Në rajonin e Khersonit, ushtria ruse ka lënë pas të njëjtat mizori sikurse në rajonet e tjera të vendit tonë, ku ka mundur të hyjë”, tha ai.

Zelensky tha gjithashtu se në 226 vendbanime të rajonit të Khersonit është rivendosur ligji dhe se arrestimet e ushtarëve dhe mercenarëve rusë janë duke vazhduar.

Presidenti ukrainas e përshkroi çlirimin e Khersonit si ngjarje historike.

LEXONI GJITHASHTU:

Reporteri britanik: Pamjet nga Khersoni i çliruar më kujtojnë Kosovën e vitit 1999

Krimet ruse në Kherson, rajoni duhet të çlirohet nga minat dhe armët