Reporteri britanik: Pamjet nga Khersoni i çliruar më kujtojnë Kosovën e vitit 1999

Pamjet e Khersonit, qytetit të Ukrainës i cili arriti të çlirohet nga forcat ruse pas më shumë se tetë muaj lufte, i kanë rikthyer në kujtesë Kosovën e vitit 1999 ish-gazetarit britanik, Brendan Paddy.

Në llogarinë e tij në Twitter ai ka shpërndarë disa pamje ku shihet një gazetar i “Sky News” që merr përqafime nga banorët ukrainas, teksa po raportonte në periferi të Khersonit të çliruar.

This is giving me ‘arriving in Kosovo in 1999’ flashbacks https://t.co/u9rj2zBeei

— Brendan Paddy (@bjpaddy) November 12, 2022

Ndërkaq kur lufta ka hyrë në ditën e saj të 260-të, pas tërheqjes së trupave ruse nga Kherson, ukrainasit ngritën flamuj dhe festuan në rrugë.

Ashtu sikurse ky rajon, Presidenti Volodimir Zelensky u zotua se do të çlirohen dhe Donbassi me Krimenë, shkroi KosovaPress. Fshati Hornostaivka i pushtuar nga Rusia, u bombardua nga Moska me raketa Grad për të bindur banorët të evakuoheshin.

Kjo u raportua nga guvernatori i Kherson Oblast, Yaroslav Yanhushevych, duke shtuar se në sulm u vranë dy gra dhe u shkatërruan gjashtë shtëpi.

LEXONI GJITHASHTU:

• Krimet ruse në Kherson, rajoni duhet të çlirohet nga minat dhe armët
• Ukrainasit festojnë në Kherson pas tërheqjes së trupave ruse