Atentati në Stamboll, autoritetet: Akt terrorist, Erdogan premton ndëshkim

Policia turke ka bërë një arrestim lidhur me shpërthimin e së dielës në qendër të Stambollit, që vrau të paktën 6 persona dhe plagosi mbi 80 të tjerë.

Shpërthimi ndodhi rreth orës 16 e 20, me orën lokale, në një rrugë të populluar në sheshin Taksim.

“Nga informacionet që kemi grumbulluar deri tani dimë që ishte një akt terrori në këtë udhëkryq, i kryer nga një agresore grua, që shpërtheu një bombë”- shprehet Fuat Oktay, zëvendës president i Turqisë.

Shpërthimi u filmua nga kamerat dhe u nda në rrjetet sociale.

Ndërsa qendra e Stambollit është vënë në shënjestër nga separatistët kurdë dhe militantët islamikë në vitet e fundit, sulmi në fjalë nuk është marrë përsipër nga asnjë grup.

Zëvendës presidenti i Turqisë vizitoi të mbijetuarit në spital, ndërsa vetë presidenti Recep Tajip Erdogan e cilësoi sulmin një “akt burracak”, duke premtuar ndëshkimin e personave përgjegjës.

LEXONI GJITHASHTU: 

• Piktori me aftësi të kufizuara bën ëndrrën realitet, çel ekspozitën me piktura
• Fshati i ‘pleqve’ në Librazhd, largohen jashtë vendit mbi 60% e banorëve