“Efekt domino”, Çoçoli: Investimi në Portin e Durrësit do sjellë investues të tjerë

Eksperti i ekonomisë Fatos Çoçoli është shprehur se investimi që po bëhet në Portin e Durrësit, do të sjellë dhe investime të tjera.

Në një intervistë për Euronews Albania, ai tha se kemi të bëjmë me investimin më të madh në tre dekadat e fundit.

Më tej ai theksoi se duhet të shohim anën pozitive të këtij investimi duke shtuar se do të ketë dhe 12 mijë vende pune.

“Kemi një rast që konsiderohet investimi më i madh në tre dekadat e fundit dhe jo pa të drejtë. Flas për sasinë e parave që do investohet. 12 mijë vende pune që do të krijohen fillimisht për ndërtimin dhe pastaj për menaxhimin e këtyre aseteve i bën mirë vendit tonë sepse është një lloj efekti domino që sjellë dhe investues të tjerë të rëndësishëm. Emri i këtij zotërisë nuk është i panjohur për Shqipërinë. Pra të përpiqemi të shohim anën pozitive të kësaj përveç asaj negative.”- nënvizoi ai.

Më tej Çoçoli u shpreh se çështja do të ishte serioze nëse nuk do të njiheshin investitorët.

“Asnjë investues nuk regjistrohet në vendin e tij sepse i ka taksat më të larta. Çështja do ishte serioze nëse nuk do të njiheshin pronarët. Shumë parajsa fiskale të japin mundësinë që të mos tregosh pronarin e vërtetë”- tha ai.

LEXONI GJITHASHTU: 

• Luan Baçi për Portin e Durrësit: Aferë korruptive, do përdoret për amnisti fiskale
• Gjendet i pajetë miku i Vladimir Putin