Autostrada e paqes, SHBA përgatit dokumentet e financimit të autostradës Nish-Prishtinë

16 Shtator 2020 | 07:03

Drejtuesi i Korporatës Ndërkombëtare të Shteteve të Bashkuara për Zhvillim Financiar, dhe drejtuesja e Bankës për Eksport-Import kanë nënshkruar të martën letrat e interesit me Kosovën dhe Serbinë, përmes së cilave do të ndihmojnë në financimin e Autostradës së Paqes, që do të lidhë Nishin me Prishtinën.

Kjo ishte dhe një nga pikat e marrëveshjes së nënshkruar më 4 shtator në Shtëpinë e Bardhë mes përfaqësuesve të Kosovës dhe Serbisë.

“Autostrada e Paqes do të nxisë zhvillim ekonomik dhe integrim rajonal, duke lidhur Nishin me Prishtinën.

Po ashtu do të shërbejë si simbol i fuqishëm i marrëdhënies së re dhe transformuese të këtyre dy vendeve fqinje”, ka thënë drejtuesi i Korporatës Ndërkombëtare për zhvillim financiar në SHBA.

Drejtuesja e Bankës për Eksport-Import Reed e ka cilësuar këtë projekt një hap të rëndësishëm drejt bashkëpunimit ne mes të Prishtinës dhe Beogradit.

Përfaqësues të këtyre dy institucioneve do të vizitojnë Prishtinën dhe Beogradin gjatë këtij muaji për të çuar përpara punën për Autostradën e Paqes dhe projekte tjera.

Kryeministri i Kosovës, Avdullah Hoti e ka cilësuar këtë një lajm të mirë, në kuadër të zbatimit të marrëveshjes së nënshkruar në Shtëpinë e Bardhë.

 

Lexoni gjithashtu:

Pikat kryesore të marrëveshjes Kosovë-Serbi, përfshijnë aspekte ekonomike dhe kufizime ndërkufitare

Agim Nesho për marrëveshjen Kosovë-Serbi: SHBA në esencë nuk zgjidhi asgjë, çdo gjë ia la Europës

Home Kryefaqja
Shiko në: YouTube
Lajme të Sugjeruara

Rubio: Anëtarësimi i Kosovës në NATO tani nuk është në krye të agjendës së aleatëve

Sekretari amerikan i Shtetit, Marco Rubio, tha se zgjerimi i NATO-s për të përfshirë Kosovën aktualisht nuk është në krye të agjendës së aleatëve, por...
08:17 | 04/06/2026

Rreth 90 serbë dëbohen nga aeroporti i Tivatit, policia malazeze i cilëson rrezik për sigurinë

Rreth 90 shtetas të Serbisë janë dëbuar nga aeroporti i Tivatit dhe u është ndaluar hyrja në Mal të Zi, pasi konsiderohen “rrezik për sigurinë”,...
19:15 | 03/06/2026

Costa takohet edhe me Osmanin, në fokus hapat e Kosovës drejt integrimit evropian

Ish-presidentja e Kosovës, Vjosa Osmani këtë të mërkurë është takuar me Presidentin e Këshillit Evropian, Antonio Costa në kuadër të vizitës së tij në Prishtinë....
16:28 | 03/06/2026