‘Shqiptarët të tretët në botë për emigrimin’, Meta: Rama po vret shpresën te rinia

Kryetari i Partisë së Lirisë, Ilir Meta thotë se eksodi masiv i të rinjve shqiptarë, ka tërhequr vëmendjen edhe të mediave ndërkombëtare.

Përmes një postimi në rrjetet sociale, Meta u shpreh se shqiptarët zënë vendin e tretë në botë për largimet nga vendi, duke shtuar se kryeministri Edi Rama është armiku kryesor i tyre.

Sipas Metës, Rama është autori dhe përgjegjësi i vrasjes së shpresës së të rinjve.

“Eksodi masiv i të rinjve tanë tërheq vëmendjen edhe të Forbes. Shqiptarët po ikin, duke zënë vendin e tretë në botë për të larguarit nga vendi, sepse Edi Rama është armiku kryesor i lirive të tyre, autori dhe përgjegjësi i vrasjes së shpresës së të rinjve, në nivele aq dramatike sa po i detyrojnë të rrezikojnë edhe jetën duke kaluar La Manshin me gomone!

Ne nuk duam që ky vend të braktiset, pasi çdo fëmijë që ikën nga Shqipëria le një brengë në familje. Shqipëria u përket të rinjve dhe ne do ta bëjmë këtë realitet!”, shkroi Meta në Facebook.

LEXONI GJITHASHTU

• Rama për emigrimin e shqiptarëve: Nuk mund ta ndaloj largimin e tyre
• Rama sulmon Berishën: Është llum, nuk i duhet këtij vendi
• ‘Pa dinjitet’, Rama: Si mund t’ia besosh votën Berishës që sulmon Shqipërinë?