Mbi 1000 euro, rritet paga mesatare në Kroaci për muajin shtator

Paga mesatare mujore neto në Kroaci për muajin shtator, arriti në 1,015 euro, duke pësuar një rritje prej 2.2 për qind në krahasim me muajin gusht.

Krahasuar me të njëjtin muaj të vitit 2021, paga mesatare neto për punonjës ishte 865 euro, shkruan Euronews Serbia.

Ndërsa, paga mesatare bruto për muajin shtator në Kroaci ishte 1,375 euro, rreth 1,3 për qind më pak në terma nominalë dhe 2,8 për qind në terma realë se në gusht.

Kroacia është zyrtarisht anëtarja e 20-të e Eurozonës. Përfshirja në bllokun që përdor monedhën e përbashkët erdhi në një kohë të pafavorshme, kur inflacioni ka arritur në stratosferë dhe kur vendet anëtare vijojnë me tendencën e rrumbullakosjes së çmimeve kur aderon një vend i ri.

Kroacia do të bëhet anëtare e plotë e Këshillit Qeverisës të Bankës Qendrore Evropiane më 1 janar, kur të nisë përdorimin e euros. 

LEXONI GJITHASHTU

• Kroaci, inflacioni në nivelin e ri më të lartë
• Kroacia pret të bëhet anëtare e zonës Shengen më 1 janar
• Kroacia hyn në Eurozonë, anëtari i 20-të i bllokut të monedhës së përbashkët