Ambasadorja Yuri Kim kërkon me çdo kusht ngritjen e Gjykatës Kushtetuese

Ambasadorja e Shteteve të Bashkuara të Amerikës në Tiranë, Yuri Kim, i është rikthyer sërish çështjes së Gjykatës Kushtetuese. Me një shënim në faqen e saj zyrtare në “Twitter”, znj. Kim ka përshëndetur apelin e presidentit Ilir Meta dhe të kryetarit të Kuvendit Gramoz Ruçit, të cilët në një zë kanë kërkuar ngritjen e saj brenda 2020.

Diplomatja amerikane fton palët të punojnë sa më parë, që Gjykata Kushtetuese të jetë funksionale brenda këtij viti. 

Thank you, Pres @ilirmetazyrtar & Speaker Ruci, for making clear that Albania must have a functioning Constitutional Ct NOW. We agree. Considering the Venice Commission opinion, these two leaders should work w/relevant bodies urgently to make this happen before the end of 2020.

— Ambassador Yuri Kim (@USAmbAlbania) September 18, 2020

“Faleminderit presidentit Ilir Meta dhe kryetarit të Parlamentit Gramoz Ruçi që e bënë të qartë që vendi duhet të ketë një Gjykatë Kushtetuese. Ne jemi dakord duke marrë parasysh mendimin e Komisionit të Venecias, se këta dy udhëheqës duhet të punojnë urgjentisht me organet përkatëse për ta bërë këtë të ndodhë para fundit të vitit 2020”, thekson Yuri Kim.

Gjithashtu edhe ambasadori i BE-së, Luigi Soreca, ka kërkuar ngritjen e këtij institucioni me rëndësi jetike për Shqipërinë. Mungesa e Kushtetueses ka detyruar palët në vend, konkretisht mazhorancën dhe presidentin e vendit, që mosmarrëveshjet e krijuara mes tyre t’i dërgojnë në institucione të tjera, ku njëri prej tyre ishte Komisioni i Venecias.

Lexoni gjithashtu:

Pas takimit me Metën, ambasadori Luigi Soreca bën apel për ringritjen e Gjykatës Kushtetuese

Konstitucionalisti Sokol Hazizaj: Gjykata Kushtetuese vështirë të ngrihet deri në zgjedhjet e ardhshme

Gjykata Kushtetuese sërish në ngërç, në 9 muaj nuk u zgjodh asnjë anëtar i ri