Maqedonia e Veriut prezanton platformën kombëtare për mësimin online

18 Shtator 2020 | 13:37

Kryeministri dhe ministrja e Arsimit të Maqedonisë së Veriut prezantuan platformën e re kombëtare për mësim online që nëse do jetë burimi i vetëm i mësimit nga 1 tetori nëse nuk krijohen kushtet për mësim fizik.

Platforma u prezantua si e thjeshtë për përdorim, inovative, zbavitëse e stabile pasi përmban lidhje video dhe audio, shpërndarje materialeve multimediale, kuize dhe teste për nxënësit. 

“Platforma kombëtare do jetë më shumë se zëvendësim i mirë për mësimin tradicional. Nxënësi do të mund të shohë klasën dhe mësuesin nëpërmjet celularit apo laptopit por edhe mësuesi do e shihe nxënësin. Nxënësi do të mund ti shfrytëzojë të gjithë materialet e vendosura në platformë për të bërë detyrat. Kështu mësimi nuk do të jetë i bezdisshëm. Nxënësit do jenë të mirëseardhur që të japin propozime me të cilat do të avancohen platforma”, tha ministrja, Milla Carovska.

Kryeministri, Zoran Zaev, e quajti platformën qasje drejt inovacioneve në arsim dhe tha se ky vit shkollor do jetë mësimi për të ardhmen.

“Është një sfidë e madhe që të niset viti shkollor në këtë mënyrë me po ato resurse që i kanë patur shkollat edhe deri tani. Por kjo përvojë ka rëndësi sepse na tregoi si duhet t’i planifikojmë investimet e Arsimit në kohë. Gatishmëria e institucioneve dhe sistemit arsimor për ndryshime është provë më vete për përkushtimin e vazhdueshëm për një arsim cilësor”, tha ai.

Për shkak se mbi 40 mijë fëmijë nuk posedojnë pajisje elektronike për të ndjekur mësimin online, Ministria e Arsimit po mendon mënyrën se si t’u sigurojë atyre pajisjet, por ndërkohë në kanalin publik televiziv çdo ditë do transmetohen orë mësimi të filmuara për nevojat e çdo klase, në kohëzgjatje prej 15 minutash për secilën lëndë.

Viti shkollor në Maqedoninë e Veriut fillon më 1 tetor, por pa një plan të qartë se a do ketë mësim të kombinuar apo vetëm në distancë. 

Home Kryefaqja
Shiko në: YouTube
Lajme të Sugjeruara

Zv.kryeministri shqiptar në RMV jep dorëheqjen, zbulohen përplasjet brenda qeverisë

Zëvendëskryeministri i Maqedonisë së Veriut, Arben Fetai, ka njoftuar se ka dorëzuar dorëheqjen nga funksioni i tij si zëvendëskryeministër i ngarkuar për Qeverisjen e Mirë....
10:46 | 02/06/2026

Ahmeti i përgjigjet Kurtit: Marrëveshja e Ohrit, gurthemeli edhe i planit të Ahtisaarit për Kosovën

Kryetari i Bashkimit Demokratik për Integrim ka reaguar ndaj kryeministrit në detyrë Albin Kurti pas kritikave që ky i fundit i bëri Bashkimit Demokratik për...
08:44 | 02/06/2026

Aksident i rëndë në aksin Kumanovë-Shkup, 13-vjeçari me skulter përplaset për vdekje nga një makinë

Një 13-vjeçar ka ndërruar jetë tragjikisht në një aksident në aksin Kumanovë-Shkup, në fshatin Çerkezi. Aksidenti u regjistrua mbrëmjen e së enjtes. Në aksident janë...
12:49 | 29/05/2026