Petrit Vasili për Taulant Ballën: Ishte vërtetë sjellje prej idioti

Ndërkohë që mora fjalën për procedurë, Taulant Balla më ulërinte nga vendi në kupë të qiellit. Ishte kjo deklarata e deputetit të Partisë së Lirisë, Petrit Vasilit i cili u përjashtua me 5 ditë nga sekretariati i Kuvendit për sjellje jo parlamentare.

Skizofren dhe mos bëj si idiot ishin fjalët që Vasili përdori drejt Ballës. Sipas deputetit të Partisë së Lirisë, Lindita Nikollës i ka dalë parlamenti nga duart dhe nuk e ka ndaluar kreun e grupit parlamentar të PS-së të ndalojë komentet e tij.

“Ishte vërtetë një sjellje prej idioti sepse unë nuk po replikoja me Taulant Ballën, po flisja me drejtuesen e seancës që të mundësonte që deputetët të flisnin siç rregullorja e kërkon dhe siç u vendos. Në seancën që shkoi kemi dëgjuar zotin Gjiknuri që ka thënë mbi 14 herë idiot dhe nuk u mor asnjë masë,” – u shpreh Vasili.

Sipas tij masat që ndërmerren nga sekretariati i parlamentit janë të njëanshme.

Deputeti Petrit Vasili është përjashtuar për 5 ditë nga Kuvendi pasi i është drejtuar me fjalë fyese kreut të Grupit Parlamentar të PS, Taulant Balla.

Ky vendim është marrë nga Sekretariati për Procedurat, Votimet dhe Etikën në drejtimin e Klotilda Bushka.

LEXONI GJITHASHTU:

• “U provokova, nuk jam penduar”, Petrit Vasili reagon pas përjashtimit nga Kuvendi