A do të jetë në protestën e 6 dhjetorit? Flet Ilir Meta

Kryetari i Partisë së Lirisë, Ilir Meta ka konfirmuar se do të jetë i pranishëm në protestën e thirrur nga kryetari i Partisë Demokratike, Sali Berisha më 6 dhjetor.

Në një deklaratë pas homazheve të bëra në “Varrezat e Dëshmorëve” me rastin e 78-vjetorit të çlirimit, Meta u shpreh se dhjetori është muaji i demokracisë dhe Europës.

“Ju e dini që nëntori për ne shqiptarët është muaji i pavarësisë, i çlirimit dhe i lirisë. Ju e dini që dhjetori, po kështu për të gjithë shqiptarët e ndershëm, patriot, edhe liridashës, është muaji i demorkacisdë, është edhe muaji i Europës.

Padiskutim që më 6 dhjetor, ne do të jemi të gjithë për të brohoritur edhe një herë tjetër se do ta bëjmë Shqipërinë si e gjithë Europa. Një vend të lirë, ku t’i jepet fund njëherë e përgjithmonë kapjes së shtetit dhe njëkohësisht instalimit të mafias në pushtet”, theksoi Meta.

Partia Demokratike do të organizojë një protestë më 6 dhjetor, në të njëjtën ditë kur në Tiranë do të zhvillohet Samiti BE-Ballkani Perëndimor.

LEXONI GJITHASHTU

• ‘PD ka vdekur’, Zekthi: Berishës i duhet vetëm logoja që të mbrohet nga izolimi
• Pse nuk e përjashtoni Alibeajn nga PD? Përgjigjet Sali Berisha
• “Rama i ka bërë llogaritë gabim”, Berisha i prerë: PD s’e dorëzon flamurin e saj