Letra me 5 pika ODIHR-it, Gjiknuri: Vazhdim i retorikës së opozitës

Përfaqësuesi i Partisë Socialiste, Damian Gjiknuri e ka konsideruar “të njëanshme” letrën me 5 pika që opozita ka paraqitur për diskutim në Këshillin Politik përpara dërgimit drejt zyrës së OSBE/ODIHR-it, të cilës i kërkon të shprehet rreth koalicioneve dhe propozimeve për ndryshime të tjera të Kodit Zgjedhor.

Burime për Euronews Albania bëjnë me dije se Gjiknuri ka theksuar se letra “është vazhdim i retorikës politike të opozitës”, e cila “nuk ka sjellë asnjë draft apo propozim konkret” për ndryshimet zgjedhore.

Ai ka theksuar se opozita nuk ka reflektuar asgjë, ndërkohë që te ODIHR-i po i drejtohet pa pasur asnjë produkt. “Tek ODIHR-i dërgohen mosmarrëveshjet për draftet, jo mosmarrëveshjet teorike” – citohet të ketë thënë Gjiknuri, i cili ka këmbëngulur se nuk do ta firmosë letrën me 5 pika të opozitës.

Në letrën në fjalë, PD dhe LSI shprehen kundër ndryshimeve të mënyrës se si do të lejohen formimet e koalicioneve duke theksuar se kjo bëhet për interesa të PS-së.

Lexoni gjithashtu:

Këshilli Politik, PD dhe LSI paraqesin 5 pikat për të cilat do t’i kërkojnë opinion ODIHR-it

‘Pirueta politike dhe juridike për listat’, Enkelejd Alibeaj: Rama nuk ka qetësi për të pranuar humbjen e zgjedhjeve

Debati për listat, opozita brenda dhe jashtë parlamentit kundër propozimit të PS

Gjiknuri: ODIHR-i s’jep opinione abstrakte, opozita të vinte me draft apo komente për propozimet tona

Iluzioni për listat e hapura, për PS-në më e rëndësishme heqja e koalicioneve parazgjedhore