Policia u kërkon ndihmë qytetarëve për autorin e vrasjes së gruas shtatzënë

Policia e Kosovës kërkon ndihmë nga qytetarët për të dhënë informacione nëse kanë dijeni se ku ndodhet autori i vrasjes së 35-vjeçares në maternitetin e Prishtinës.

Që prej mbrëmjes së djeshme policia është në kërkim të Sokol Halilit, i cili dyshohet se mund të jetë larguar edhe jashtë vendit.

35-vjeçarja, Hamide Magashi, u qëllua për vdekje mbrëmë nga ish-bashkëshorti Sokol Halili, 31 vjeç, në oborrin e maternitetit të Prishtinës.

Viktima ishte shtatzënë në ditën e fundit të saj të shtatzënisë, kur 31-vjeçari e vrau me 1 plumb në kokë dhe 2 në trup.

Njoftimi i Policisë:

Kërkesë për bashkëpunim. Njësiti i hetimeve të përgjithshme, që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente kërkon ndihmë nga qytetarët në ofrimin e informatave të cilat do të ndihmonin në arrestimin e personit të dyshuar.

I dyshuari Sokol Halili, i lindur më 07.05.1991 nga fshati Godancë KK Shtimë, kërkohet për vrasjen e rëndë që ka ndodhur më 30.11.2022, në Prishtinë.

Të nderuar, për çdo informatë që mund të çojë në identifikimin e vendodhjes së personit të dyshuar, kontaktoni policinë në numrin e telefonit: 192.

LEXONI GJITHASHTU:

• Ekzekutimi i gruas shtatzënë, prokuroria: Që prej 13 shtatorit me urdhër-mbrojtjeje
• Vrasja e gruas shtatzënë në Prishtinë, reagon kryeministri Albin Kurti
• Vrasja e 35-vjeçares, kardiokirurgu: Lëshoni karriget, do turpërohemi edhe n’varr