Ekzekutimi i gruas shtatzënë, prokuroria: Që prej 13 shtatorit me urdhër-mbrojtjeje

Prokuroria Themelore e Ferizajt ka dhënë detaje në lidhje me urdhërin e mbrojtjes së dhënë për Hamide Magashin, e cila një ditë më parë u vra nga ish-burri i saj në maternitetin e Prishtinës.

Prokuroria sqaron se në 13 shtator gjykata ka dhënë urdhër mbrojtje për Magashin për dhunë në familje nga ish-burri i saj.

Ky urdhër i është dorëzuar Qendrës për Punë Sociale në Lipjan dhe Policisë së Kosovës – Stacionit Policor në Lipjan.

35-vjeçarja, Hamide Magashi, u qëllua për vdekje mbrëmë nga ish-bashkëshorti i saj Sokol Halili, 31 vjeç, në oborrin e maternitetit të Prishtinës.

Viktima ishte shtatzënë në ditën e fundit të saj të shtatzënisë, kur bashkëshorti e vrau me 1 plumb në kokë dhe 2 në trup. Autori është larguar nga vendi i ngjarjes dhe dyshohet se ka udhëtuar drejt Gjermanisë.

Deklarata e plotë e Prokurorisë:

Prokuroria Themelore në Ferizaj njofton opinionin publik se më datë 20.07.2022 ka pranuar kallëzim penal kundër S.H, nga komuna e Shtimës, për shkak të dyshimit se i njëjti ka kryer vepër penale “Dhunë në familje” nga neni 248, paragrafi 1 të KPRK-së.

Prokurori i çështjes ka ndërmarrë të gjitha veprimet e nevojshme hetimore dhe më datë 09.08.2022 ka intervistuar të dëmtuarën H.M, dhe ka udhëzuar palën e dëmtuar në prezencë të mbrojtësit të viktimave nga Zyra për Mbrojtjen e Viktimave, që funksion në kuadër të Prokurorisë së Shtetit që të bëjë kërkesë në Gjykatën Themelore në Ferizaj për marrjen e urdhrit mbrojtës.

Ndërsa një ditë më vonë, përkatësisht me datën 10.08.2022, prokurori i çështjes ka ngritur aktakuzë ndaj të pandehurit S.H, për veprën penale “Kanosja” nga neni 181, paragrafi 4 lidhur me paragrafin 2 dhe nenin 77 të KPRK-së.

Gjykata Themelore në Ferizaj, duke vepruar në bazë të kërkesës së Zyrës për Mbrojtjen e Viktimave në Ferizaj, me datë 13.09.2022 ka lëshuar aktvendim për urdhër mbrojtje, i cili ka qenë në fuqi deri më 13.03.2023.

Ky urdhër i është dorëzuar Qendrës për Punë Sociale në Lipjan dhe Policisë së Kosovës – Stacionit Policor në Lipjan dhe në bazë të këtij vendimi, kompetent për zbatimin e urdhrit mbrojtës ka qenë Policia e Kosovës.

Prokuroria Themelore në Ferizaj njofton opinionin publik se në bazë të autorizimeve të saj i ka ndërmarrë të gjitha veprimet e nevojshme sipas ligjit lidhur me këtë çështje penale.

LEXONI GJITHASHTU:

• Vrasja e gruas shtatzënë në Prishtinë, reagon kryeministri Albin Kurti
• Vrasja e 35-vjeçares, kardiokirurgu: Lëshoni karriget, do turpërohemi edhe n’varr
• Shkencëtarët: Pulat nuk do të sëmuren më!