Atentati ndaj Preng Gjinit, Policia e Shtetit drejt zbardhjes së ngjarjes

Ekzaminimi i rreth 30 kamerave  sigurie ka çuar Policinë e Shtetit tek një person i dyshuar për atentatin me tritol ndaj Preng Gjinit, ngjarje kjo e ndodhur nëntë ditë më parë.

Sipas burimeve, bëhet fjalë për një shtetas rreth 30 vjeç, i cili mban kapele si dhe një çantë të kuqe në shpinë, dhe bën lëvizje të dyshuara para dhe pas atentatit në zonën e ish-Nishrakut.

Uniformat blu po punojnë për identifikimin dhe ndalimin e tij pasi dyshohet se është personi që telekomandoi shpërthimin e mbi 300 gram tritoli në automjetin e Preng Gjinit, i cili i shpëtoi fatmirësisht vdekjes ndonëse me dëmtime të tjera serioze.

Për këtë ngjarje por edhe situatën në tërësi, drejtuesja e prokurorisë së Tiranës Elisabeta Imeraj mbodhi paraditen e kësaj të enjteje, në një takim drejtorin dhe nën drejtoret e policisë së kryeqytetit, si dhe shefat e komisariateve.

Lexoni gjithashtu: 

Hetime intensive për atentatin ndaj Preng Gjinit, shoqërohen disa persona

Atentati në Tiranë, Preng Gjini në gjendje kritike për jetën, dyshohet për hakmarrje

Shpërthimi me eksploziv, shënjestrës së atentatit një vit më parë i vranë vëllanë