Rezultatet e primareve, 8 bashki në balotazh më 11 dhjetor

Partia Demokratike dhe Partia e Lirisë mësuan dje emrat e 48 kandidatëve që do të përfaqësojnë koalicionin opozitar përballë maxhorancës socialiste në zgjedhjet lokale të 14 majit.

Nga raundi i parë i procesit të primareve, vetëm 8 bashki nuk zbuluan emrat e kandidatëve dhe do të shkojnë në balotazh. Në Tiranë, Fier, Librazhd, Dibër, Sarandë, Mirditë, Mat dhe Krujë demokratët do t’i drejtohen sërish kutive të votimit për të zgjedhur kandidatin që do të garojë në 14 maj.

Më 11 dhjetor është përcaktuar data e balotazhit për këto 8 bashki.

Procesi i primareve u zhvillua në të gjithë vendin, më përjashtim të 5 bashkive, Himarë, Finiq, Dropull, e Pustec që iu janë lënë partive aleate dhe Malsi e Madhe në të cilën për shkak të situatë së brendshme në degë është vendosur që zgjedhja e kandidatit të bëhet në një moment të dytë.

Bashkë me 4 bashkitë që nuk u votua, PD ka hequr dorë edhe nga 4 bashki të tjera, duke lënë që në Kuçovë, Prrenjas, Memaliaj dhe Skrapar kandidatët të jenë të Partisë së Lirisë.

Përveç tyre primaret ishin formale në 9 bashki, ku kishte vetëm nga një kandidat në garë.

Në shumë bashki, procesi i primareve u shoqërua me kontestime dhe debate për shkak të problemeve me listat. Në disa bashki, si Kamëz, Tropojë apo Korçë disa prej kandidatëve në garë u tërhoqën nga gara duke denoncuar parregullsitë e procesit.

LEXONI GJITHASHTU:

• “Jashari”, kush ia dha Granit Xhakës fanellën pas fitores me Serbinë
• Gazetari Ferhati: 2 rrugët ku nuk kalon dot askush më 6 dhjetor
• Rrugët ku nesër në Tiranë nuk do të lejohet as parkimi i makinave