“Qeveria nuk ka prioritet të rinjtë”, PL: Emigracioni fenomen alarmant

Në ditën kombëtare të rinisë nënkryetarja e Partisë së Lirisë, Erisa Xhixho ka ngritur shqetësimin e shpopullimit të vendit dhe ikjen e të rinjve.

“78% e azilkërkuesve i përkasin moshës nën 34 vjeç. Ikin sepse janë të zhgënjyer dhe nuk kanë më shpresë. Rritja e dëshirës për emigracion zbulon në fakt dobësitë strukturale të ekonomisë dhe politikave e në veçanti atyre që lidhen me të rinjtë,” – u shpreh Xhixo.

Përmes një deklarate për medie ajo shtoi se qeveria nuk ka prioritet rininë, por abuzimin me tenderat dhe taksat e qytetarëve.

“Ndërsa Shqipëria zbrazet nga grupmosha më vitale, kryeministri mjaftohet duke thënë se nuk e ndal dot këtë emigracion,” – tha Xhixho.

LEXONI GJITHASHTU:

• Partia e Lirisë kërkon nga SPAK të nisë hetimet për Aeroportin e Vlorës