Dëmtohet argjinatura e përroit të Zaranikës në Elbasan, probleme edhe me energjinë

Bashkia e Elbasanit ka pasur disa problematika për shkak të reshjeve të dy ditëve të fundit, ndërsa sot situata paraqitet e përmirësuar.

Gazetari i Euronews Albania, Renato Tafani raportoi se problematike ka qenë situata në lagjen ‘Vullnetari’ të qytetit, ku dëmtimi i argjinaturës së përroit të Zaranikës ka rrezikuar banesat dhe pallatet që shtrihen në të dy krahët e lumit.

Nuk ka bllokim të rrugëve, por probleme me ndërprerjen e energjisë elektrike për shkak të motit të keq në fshatin Polis në Librazhd dhe në Përrenjas.

LEXONI GJITHASHTU:

• 300 ha tokë nën ujë nga reshjet në qarkun e Shkodrës, nuk ka përmbytje të banesave
• Përmirësohet situata nga përmbytjet, MM: S’ka rrezik për zonat e banuara