300 ha tokë nën ujë nga reshjet në qarkun e Shkodrës, nuk ka përmbytje të banesave

Mëngjesin e sotëm ka pasur përmirësim të ndjeshëm të situatës nga përmbytjet në bashkinë Shkodër. Gazetari i Euronews Albania, Teodor Gjerga raportoi se e vetmja pikë problematike që u raportua dje, në zonë e Anës së Malit, në rrugë hyrëse të Obotit, mëngjesin e sotëm nuk ka prani të ujit dhe qarkullimi vijon normalisht.

“Në gjithë bashkinë Shkodër ka një përmirësim të situatës. 300 ha tokë kanë prani uji, kryesisht në Anën e Malit dhe Gurit të Zi; është tokë e pambjellë dhe nuk ka rrezik për përmbytje të banesave”, raportoi gazetari.

Kuota e lumit Drin është 5.20 metra, disa centimetra nga kuota kritike është 5 metër e 90 cm, ndërsa kuota e liqenit është 1 metër poshtë pikës kritike duke e përjashtuar mundësinë për përmbytje.

LEXONI GJITHASHTU:

Përmirësohet situata nga përmbytjet, MM: S’ka rrezik për zonat e banuara

Rikthehet frika e përmbytjeve, 400 ha tokë nën ujë nga reshjet në qarkun e Shkodrës