27 vjet emigrant në Britani, mesazhi i fortë i deputetit të PS

Deputeti i Partisë Socialiste Lavdërim Krashi tregoi në emisionin Now në Euronews Albania se ka jetuar si emigrant në Britaninë e Madhe për 27 vjet.

Krashi u shpreh se ka shkuar në Britani në mënyrë të ligjshme me avion. Ai bëri një thirrje për të rinjtë që të mendohen shumë përpara se të nisen me këto mënyra drejt Britanisë së Madhe dhe të drejtohen nga rrugët ligjore.

“Jam larguar në mënyrë legale, me avion në Britani. Dua të përdor këtë tragjedi, se çdo fatkeqësi duhet kthyer në mundësi, t’u tregohet të rinjve që të mendohen shumë përpara se të nisen me këto mënyra drejt Britanisë së Madhe, të drejtohen nga rrugët ligjore. Nuk do të jenë asnjëherë qytetarë të dorës së parë, do t’u mohohen shumë të drejta”, tha Krashi.

LEXONI GJITHASHTU:

• “Kërkoi të flasë shqip”, zbulohen detaje rreth të mbijetuarit në gomone
• Ministria e Jashtme: S’ka viktima me kombësi shqiptare në Kanalin Anglez