Tedi Blushi: KESH ka shitur energjinë elektrike 2.7 herë më lirë se tregu

Sekretari i Përgjithshëm i Partisë së Lirisë, Tedi Blushi ka denoncuar abuzimin sipas tij të qeverisë me shitjen e energjisë elektrike në kohë krize.

Përmes një deklarate për mediat, Blushi u shpreh se KESH ka shitur energjinë elektrike 2.7 herë më lirë se sa është tregtuar në bursë, më konkretisht me çmim 115 euro/Mwh.

“Në kulmin e krizës energjetike dhe kur qytetarët shqiptarë pritet të faturohen më shtrenjtë se kurdoherë tjetër për konsumin e energjisë, Korporata Elektroenergjitike Shqiptare, nëpërmjet një vendimi tërësisht abuziv ka vendosur të shesë energjinë elektrike shumë herë më lirë se sa tregu. Konkretisht, për periudhën 16 dhjetor-18 dhjetor 2022, KESH ka vendosur të shesë energjisë me 115 Euro/Mwh, ndërkohë që në bursë çmimi i tregtuar është 318 Euro/Mwh dhe 325 Euro/Mwh. Pra, praktikisht energjia elektrike po shitet nga KESH 2.7 herë më lirë se tregu, çka do të thotë 2.7 herë më pak të ardhura në Buxhetin e Shtetit, fonde të cilat mund të ishin përdorur për subvencionimin e familjeve në nevojë që nuk kanë mundësi të ngrohen në dimër ose të përballojnë çmimin e lartë mbi 800 kë në muaj”, tha Blushi.

LEXONI GJITHASHTU:

• Përmbytjet “sjellin” energji, 3270 ha tokë nën ujë në Shkodër, KESH shton shitjet 
• Energjia “del” nga kriza, KESH vazhdon të shesë, fiton mbi 13 mln euro për 20 ditë