Energjia “del” nga kriza, KESH vazhdon të shesë, fiton mbi 13 mln euro për 20 ditë

Shqipëria po furnizohet me energji elektrike nga hidrocentralet vendase, e madje një pjesë të saj po e shet në treg të huaj.

Vetëm për datat 10-13 dhjetor, KESH ka fituar nga eksportet më shumë se 4 mln euro, ndërsa që nga mesi i nëntorit, ka arkëtuar mbi 13 mln euro. Këtë dhjetor edhe çmimet duket se janë të favorshme, pasi 1 megavat është shitur me çmim mesatar 255 euro, nga 200 që u shit në nëntor.

Prurjet e ujit në digat e Fierzës, Komanit dhe Vaut të Dejës janë rritur sërish me reshjet e fundit dhe pritet të rriten më tej, pasi për një javë shiu nuk do të pushojë.

Me këtë klimë, edhe çmimi i energjisë do të ngelet i pandryshuar këtë dhjetor.

Ndërsa efektet e krizës janë zbutur këtë fundvit, KESH po përballet me një problem. Korporata nuk po gjen dot treg për të depozituar energji sot, dhe këtë energji ta rimarrë në periudhën e verës 2023. 3 ankande me këtë synim, kanë dështuar deri më tani.

LEXONI GJITHASHTU:

• Energjia, Rama: Mbetemi në tregje të vogla nëse s’shkojmë përtej kufijve
• Energjia nuk shtrenjtohet, Balluku: Fasha 800 kwh s’do të aplikohet as për nëntorin