FOTO/ 100 euro për një patentë false greke, përgjime nga grupi i falsifikatorëve

Euronews Albania ka siguruar pjesë nga përgjimet mes 3 të arrestuarve në Tiranë për falsifikim dokumentesh.

Në prangat e policisë ranë Gëzim Xhafa, Artur Bramo dhe Shpëtim Bega të cilët u kapën duke falsifikuar dokumente kundrejt fitimit.

Në dosjen hetimore rezultojnë përgjimet e Artur Bramos me një bashkëpunëtor për faksifikimin dokumentesh si patentë dhe kartë identiteti greke.

Bramo shprehet gjatë bisedave se klientit i ka thënë që një pantentë e falsifikuar kushton 100 euro dhe mund të realizohet brenda 3 ditësh. Karta e identitetit mund të realizohet për 80 euro.

Ndërsa për një pasaportë të falsifikuar bashkëpunëtori i tij shprehet se nuk i jep shumë siguri për realizimin e saj.

Tre të arrestuarit akuzohen për veprat penale “Falsifikimi i dokumenteve”, “Falsifikimi i letërnjoftimeve, pasaportave ose i vizave” dhe “Prodhimi i mjeteve për falsifikim të dokumenteve”.

• Falsifikonin dokumente të ndryshme, kundrejt parave, tre të arrestuar në Tiranë
• Xhaçka: Integrimi euro-atlantik duhet të përfshijë domosdoshmërisht Kosovën
• Çështja e detit, Dendias: Kompromis për ta çuar në Hagë