Makina përplas 3-vjeçaren, shoqërohet në Komisariat drejtuesi i mjetit

Një aksident i rëndë ka ndodhur mesditën e kësaj të shtune në qytetin e Sarandës. Një fëmijë e moshës 3-vjeçe është aksidentuar teksa po kalonte rrugën e shoqëruar nga e ëma e saj.

E mitura është transportuar me urgjencë në spital, ku po merr kujdesin e nevojshëm mjekësor jashtë rrezikut për jetën.

Drejtuesi i mjetit është shoqëruar në Komisariat, ndërkohë që grupi hetimor po vijon punën për zbardhjen e rrethanave të aksidentit.

“Sot, rreth orës 12:10, në lagjen nr.1, Sarandë, shtetasi M. M., 22 vjeç, banues në Ksamil, duke drejtuar automjetin tip “Hyndai”, ka aksidentuar në rrugë, një fëmijë 3 vjeçe, e cila ndodhet në spital, jashtë rrezikut për jetën.

Drejtuesi i automjetit është shoqëruar në Komisariat, për veprime të mëtejshme.

Grupi hetimor ndodhet në vendngjarje dhe po kryen veprimet e mëtejshme për aksidentin”, thuhet në njoftimin e policisë.

LEXONI GJITHSHTU: 

• Dy aksidente brenda pak minutash në Vlorë, 4 të plagosur
• Arrestohet ish-kryebashkiaku i Himarës, aksidentoi për vdekje 17-vjeçarin
• Përplasi për vdekje 17-vjeçarin, Bollano në gjendje të rëndë shëndetësore në spital