3 pasaportat më të fuqishme në botë

Qytetarë të tri vendeve aziatike, Japoni, Singapor dhe Kore e Jugut mund të udhëtojnë lirisht në pjesën më të madhe të globit.

Këtë mundësi ofrojnë pasaportat e këtyre shteteve, të cilat konsiderohen në vitin 2022 si pasaportat më të fuqishme në botë.

Më tej, renditen thuajse të gjitha vendet e Bashkimit Europian, përfshi Zelandën e Re, Shtetet e Bashkuara dhe Britaninë e madhe, ku banorët e këtyre vendeve mund të shfrytëzojnë pasaportat e tyre për të udhëtuar pa pengesa në mbi 180 shtete.

Në vlerësimin që bën firma këshilluese globale Henley & Partners, Shqipëria renditet në vendin e 53, ku banorët mund të udhëtojnë në 115 shtete.

Kjo na rendit në vendin e parafundit në rajon, i cili kryesohet nga Serbia dhe mbyllet me Kosovën.

Ndërkohë, listën ku mundësia për të udhëtuar jashtë kufijve është e kufizuar e mbyllin shtetet aziatike të lindjes së mesme.

LEXONI GJITHASHTU:

• Gazeta britanike: Shqipëria destinacion për 2023-in, duhet vizituar
• Nga Muzhaqi e Peleshi te Basha, eksperti zbulon politikanët me më shumë ndjekës fake
• Ukraina pritet ta kërkojë përjashtimin e Rusisë nga Këshilli i Sigurimit