‘Jemi të shqetësuar’, Xhaçka: Barrikadat në Veri u ngritën nga një grup kriminelësh

Ministrja e Punëve të Jashtme, Olta Xhaçka ka reaguar në lidhje me situatën në veri të Kosovës.

Përmes një postimi në rrjetet sociale, Xhaçka është deklaroi se kriza është artificiale, teksa shtoi se Shqipëia mbetet e shqetësuar nga përshkallëzimi i tensioneve.

Sipas saj, barrikadat në Veri janë ngroitur nga një grup kriminelësh dhe se nuk është koha për sulme, por për dialog e bashkëpunim.

“Po ndjekim me keqardhje minutë pas minute shfaqjen e një krize të tejzgjatur në mënyrë artificiale në veri të Kosovës dhe jemi thellësisht të shqetësuar nga përshkallëzimi i tensioneve. Barrikadat që janë ngritur në veri, jo prej ndonjë vale zemërimi popullor, por nga një grup kriminelësh famëkeq, nuk po pengojnë thjesht vijimin normal të jetës. Ato janë po ashtu skena që të kujtojnë ditët e errëta të viteve 1990 të cilat rajoni ynë i ka lënë pas njëherë e mirë bashkë me ish Jugosllavinë që shkoi e vate.

Për pak vjen viti 2023! Kjo nuk është koha për të bërë kërcënime ushtarake apo për sulme të papranueshme kundër Policisë së Kosovës, KFOR dhe Policisë së EULEX. Kjo është koha për dialog dhe bashkëpunim. Kjo përballje e rrezikshme duhet të marrë fund dhe autorët duhet të nxirren përpara drejtësisë. Ne jemi me Kosovën në këtë situatë të vështirë dhe i bëjmë thirrje autoriteteve serbe të mos i justifikojnë as barrikatat e as grupet kriminale që refuzojnë t’i largojnë ato. Të luash me zjarrin  është një ide shumë e keqe për të ardhmen e të gjithë fëmijëve tanë”, shkroi Xhaçka në Facebook.