Vrasja e mbi 10 mijë personave, ish-sekretarja e kampit nazist apelon dënimin

Një ish-sekretare e kampit të përqendrimit nazist, 97-vjeçe do të apelojë dënimin e dhënë ndaj saj nga një gjykatë gjermane.

Irmgard Furchner u shpall fajtor javën e kaluar me akuzën se ka qenë bashkëpunëtore në 10.505 vrasje në kampin Stutthof gjatë Luftës së Dytë Botërore.

Edhe pse ajo ishte një punëtore civile, gjykatësi pranoi se ajo ishte plotësisht në dijeni të asaj që po ndodhte në kamp.

Por Furchner ka thënë se do të apelojë vendimin e gjykatës, ndërsa një avokat i bashkëpaditësit ka paraqitur veçmas një ankesë në Gjykatën Federale të Drejtësisë.

Irmgard Furchner, 97 vjeçe, filloi punë në Stutthof që kur ishte adoleshente, gjatë viteve 1943-1945.

Rreth 65,000 njerëz mendohet se kanë vdekur në kushte të tmerrshme në Stutthof, duke përfshirë të burgosur hebrenj, polakë jo-hebrenj dhe ushtarë të kapur sovjetikë.

Stutthof, i vendosur pranë qytetit modern polak të Gdanskut, përdori një sërë metodash për të vrarë të burgosurit e tij dhe mijëra vdiqën në dhomat e gazit që nga qershori 1944.

Kur filloi gjyqi në shtator 2021, Irmgard Furchner u arratis nga shtëpia e saj e të moshuarve dhe u gjet përfundimisht nga policia në një rrugë në Hamburg.

LEXONI GJITHASHTU:

• 97-vjeçarja dënohet për vrasjen e mbi 10 mijë personave, bashkëpunoi me nazistët
• Sekretari britanik i Mbrojtjes: Putin duhet të ndajë të njëjtin fat si nazistët