‘Një minutë heshtje për Mbappe’- Sulmuesi francez i përgjigjet talljeve të Martinez

Sulmuesi i Francës, Kylian Mbappe, ka folur për herë të parë në lidhje me talljet e portierit argjentinas Emiljano Martinez në drejtim të tij.

Sulmuesi francez ka thënë se nuk do të “shpërdorojë energji për gjëra të tilla të kota”.

“Festimet nuk janë problemi im”, tha Mbappe për RMC Sport.

“Unë nuk harxhoj energji për gjëra të tilla të kota”, shtoi ai.

Kujtojmë se pas përfundimit të Kupës së Botës Martinez bëri thirrje për një minutë heshtje për Mbappe gjatë festimeve në dhomën e zhveshjes.

Portieri i Argjentinës, bëri gjithashtu një gjest të vrazhdë me trofeun e portierit më të mirë të turneut pas fitores së Argjentinës më 18 dhjetor.

Marinez thuhet se do të rikthehet në stërvitje me Aston Villa të enjten, ku menaxheri Unai Emery ka thënë se do të flasë me të në lidhje me veprimet jo sportive

Mbappe, i cili shënoi një ‘hat-trick’ në finale, zbuloi se marrëdhënia me Messin është mjaft e mirë.

“Kam folur me të pas ndeshjes, e përgëzova”, vijoi Mbappe.

LEXO GJITHASHTU:

• “Iu vendos ndalim politik”- Erdogan flet për dështimin e Ronaldos në botëror
• Ofertë marramendëse për Ronaldon, klubi saudit i ofron kontratë deri në 2030-n
• Ronaldo: Dhashë gjithçka, por ëndrra ime mori fund