“Më futi duart”- Ylli brazilian akuzohet për abuzim me një vajzë në diskotekë

Dani Alves, lojtari Brazilian me më shumë tituj në historinë e futbollit është vërtetë në telashe.

Mediat ndërkombëtare shkruajnë se mbrojtësi i djathtë është duke u hetuar për një sulm seksual të ndodhur në një lokal nate në Barcelonë, dy ditë më parë.

Një vajzë e pranishme në klubin e natës pretendon se ish-lojtari i Barcelonës i ka futur dorën në të brendshme dhe e ka prekur në organet gjenitale.

Dani Alves dhe personat të cilët e shoqëronin mohuan me forcë ngjarjen. Shokët e brazilianit thonë se futbollisti qëndroi për një kohë shumë të shkurtër në klub dhe gjatë asaj kohe asgjë nuk ka ndodhur.

Policia katalanase hapi një hetim pasi mori denoncimin për sulmin e dyshuar seksual. Vajza i është nënshtruar një kontrolli mjekësor në një spital të Barcelonës dhe policia ka marrë tashmë një deklaratë prej saj, ndërsa hetimet në lidhje me rastin vijojnë ende.

LEXONI GJITHASHTU

• Pas Ronaldos, Al Nassr kërkon sulmuesin e PSG-së
• Kush është futbollisti me pasurinë 15-fish më të madhe se Ronaldo
• Përballja e fundit? Fati vendos sërish kundërshtarë në fushë Messin dhe Ronaldon