Çoçoli: Deri në tetor, Bordet e Transparencës kanë qenë të nevojshme

Eksperti i ekonomisë Fatos Çoçoli tha në një intervistë për Euronews Albania se deri në muajin tetor Bordet e Transparencës kanë qenë të nevojshme.

Sipas tij çmimi i grurit do të ishte më i lartë nëse nuk do të ishte për bordin.

“Nuk është e vërtetë se mungesa e bordit do të arrinte të sillte çmimin në kushtet e konkurrencës dhe kërkesës, raportit kërkesë-ofertë. Po të ikte bordi që e mbikëqyr ende tani nga periudha shtator deri në periudhën tetor, nuk po flas për nëntorin dhe dhjetorin se pastaj çmimi filloi të normalizohej, ne do kishim ngritje shumë më të forta nga se ishte çmimi tavan,” – u shpreh Çoçoli duke folur për grurin.

Eksperti shtoi se ka bërë dhe një studim për këtë çcështje dhe i rezulton se të paktën deri në muajin tetor, bordi ka pasur rol frenues sa i takon çmimeve.

LEXONI GJITHASHTU:

• Bordi i Transparencës vendos çmimet e reja të karburanteve
• Sa do të marrin kryefamiljaret dhe pensionistët, Fatos Çoçoli jep detajet