Sinica, fshati me potencial turistik

Sinica e Devollit është një nga fshatrat i cili ka potencial në zhvillimin e turizmit. Edhe pse i braktisur nga banorët, sot ai po merr rikonstruksionet e para.

“Lulja e parë” e turizmit është një bujtinë. Dajlan Hysolli, banor i këtij fshati ka vendosur të marrë riskun duke investuar në agroturizëm.

“Rruga e solli gjënë për se mbari. Njerëzit janë duke ardhur në fshat, duke filluar të punojnë për shtëpitë e tyre, kush nga larg, kush nga Korça, kush nga Tirana, interesohen të blejnë një shtëpi, ta rikonstruktojnë, mbaroi disheza, filloi ringritja. Fillova këtë ndërkohë që isha në presion “pse e bën, kush do vije”, u tejkaluan gjithë këto dhe jemi aty ku jemi sot,” – u shpreh Hysolli.

Ndërtimi i rrugës që të çon në fshat, ishte një shtysë e madhe për rigjallërimin e zonës.

“Këtu dëbora gjithmonë na ka izoluar por me bërjen e kësaj rrugës ka filluar që të zhvillohet fshati. Kërkojnë shtëpi për të blerë, vijnë turistë si nga vendi dhe jashtë shtetit,” – tha Afrim Memelli, kryeplaku i fshatit Sinicë.

Rikonstruksioni dhe rehabilitimi i rrugës që lidh Sinicën me njësinë administrative Miras pritet që të rrisë numrin e investitorëve në këtë zonë, duke e kthyer në potencial për turizmin.

Ushqimet bio, rrugicat me kalldrëm, shtëpitë e gurta dhe qetësia që ky vend fal është premtuese për një fshat i cili do të jetë në listën më të kërkuar të juglindjes nga turistët vendas e të huaj.

LEXONI GJITHASHTU:

• Gazifikimi nis nga Korça, Balluku zbulon dy arsyet e veçanta
• Dëshmia e Luftar Reçit, jepet dënimi për “Reqin e Korçës” dhe Vis Kosovën