Qarkullonte me lëndë narkotike me vete, në pranga 22-vjeçari në Shkodër

Një 22-vjeçar është arrestuar në Shkodër, pasi është kapur duke qarkulluar me lëndë narkotike me vete.

Policia bën me dije se në pranga ka rënë i riu i identifikuar si T. P, dhe akuzohet për veprën penale  “Prodhimi dhe shitja e narkotikëve”dhe “Mosbindja ndaj urdhrit të punonjësit të policisë së rendit publik”.

Në automjetin e 22-vjeçarit udhëtonte edhe një shtetas tjetër, i armatosur me pistoletë, i cili u arrestua në kuadër të operacionit “Kontigjenti”, të zhvilluar një ditë më parë.

“Si rezultat i veprimeve të shpejta dhe profesionale policore, të kryera në kuadër të operacionit policor të koduar “Kontigjenti”, të zhvilluar ditën e djeshme, gjatë të cilit u vu në pranga shtetasi B. C. dhe u sekuestruan 1 armë zjarri pistoletë dhe një sasi lënde narkotike kanabis”- njofton polcia.

Shërbimet e Policisë, gjatë kontrollit të ushtruar në automjetin e drejtuar nga shtetasi T. P., gjetën dhe sekuestruan në cilësinë e provës materiale, një sasi lënde narkotike kanabis.

Materialet procedurale i kaluan Prokurorisë pranë Gjykatës së Rrethit Gjyqësor Shkodër.

LEXONI GJITHASHTU: 

• Mjekja i lutet gazetarit Adi Pojanës: Mos u laj më me ujë të ftohtë
• ‘Lista me politikanë të korruptuar’, zyrtari i lartë amerikan viziton sot Shkupin
• ‘Lekët mbarojnë shpejt’, qytetarët në Elbasan në radhë për të marrë shpërblimin