‘Lekët mbarojnë shpejt’, qytetarët në Elbasan në radhë për të marrë shpërblimin

Kjo është panorama që ofrojnë sportelet e Postës Shqiptare në Elbasan që nga dita kur nisi shpërndarja e shpërblimeve të fundvitit nga qeveria shqiptare.

Qytetarë të shumtë, kryesisht mosha të treta, sfidojnë valën e virozave në vend duke qëndruar për orë të tëra në radhë, pasi paratë në dispozicion përfundojnë shumë shpejt.

Ata shprehen se shuma e akorduar nga qeveria është e pamjaftueshme, në një kohë kur çmimet e produkteve dhe shërbimeve jetike kanë pësuar rritje të konsiderueshme.

Shumë prej tyre mendojne se kjo pako erdhi në këtë vit për arsye politike, pasi jemi në vit elektoral për pushtetin vendor.

“Kane njerëzit që në oren 9, kanë ardhur më herët kanë dorëzuar librezat. U mbaruan një herë lekët, presim të vijnë prapë lekët.

“5 mijë të reja. Asgjë fare në krahasim me çmimet, në krahasim me nivelin e jetesës janë shumë pak.

“Janë për arsye politike, është në prag të votave”, thanë disa qytetarë.

Paratë në sportelin e postës shqiptare në Elbasan vine me shuma shumë të vogla dhe mbarojnë shumë shpejt duke mos iu përgjigjur dot numrit të qytetarëve, e për këtë arsye, duket se radhet do të vijojne edhe për ditë të tjera në vazhdim.

LEXONI GJITHASHTU

• Pensionistët në Shkodër të kënaqur me shpërblimin, por kërkojnë rritjen e pensioneve
• ‘Pakoja e madhe, Rama zbulon shpërblimin për punonjësit e administratës
• Shpërblimi i fundvitit, pensionistët: 5 mijë lekë nuk të dalin për ilaçe