Pensionistët në Shkodër të kënaqur me shpërblimin, por kërkojnë rritjen e pensioneve

Pakoja e madhe shpërblyese e qeverisë në këtë fillim viti ka nisur të shpërndahet, ndërsa të parët janë pensionistët ata të cilët kanë shkuar për ta tërhequr.

Euronews Albania foli me pensionistët në Shkodër.

Ata e vlerësojnë këtë ndihmë, ama e cilësojnë shumë të ulët në raport me rritjen e çmimeve.

“Ky mirë këtë që na e ka dhënë, por duhet të na japë prapë, është duke na rënë motori”, thotë një i moshuar.

“Mirë do ishte të na jepte çdo muaj për të kompensuar inflacionin. Për një muaj është në rregull për më tepër jo”, shprehet një tjetër.

Së bashku me shpërblimin e fundvitit, pensionistët morën 13000 lekë shtesë, shumë e cila duket e ulët në raport me rritjen shumë të lartë të çmimeve. Nevojë për ta mbetet rritja e pensioneve.

LEXONI GJITHASHTU:

• ‘Pakoja e madhe, Rama zbulon shpërblimin për punonjësit e administratës
• Pakoja e ndihmës, Rama: Mbi 6 mijë mësues do të përfitojnë mbi 20 mijë lekë të reja